Vyakula vya kutumia kabla ya kunywa pombe

Unachokulaa kabla ya kunywa pombe kinaweza kuathiri sana jinsi unavyohisi mwisho wa usiku-na asubuhi baada ya kuamka.

Kula chakula kablla ya kutumia kileo kunaweza kukusaidida kudhibiti njaa, kusawazisha chumvi chumvi mwilini na kupunguza athari mbaya zinazohusiana na pombe.

Kwa upande mwingine, kuchagua vyakula vingine kunaweza kusababisha kupata gesi, ukosefu wa maji mwilini, kiungulia, na matatizo ya kumeng'enya chakula.

Vyakula vyenye kiwango kikubwa cha protini kama vile nyama, mayai, na samaki vinashauriwa kula kabla ya kunywa pombe. Vyakula hivi husaidia kupunguza kasi ya kuchanganywa kwa pombe tumboni na hivyo kupunguza kasi ya kunywa pombe. Pia, vyakula vyenye wanga kama vile mkate, viazi, na mchele pia husaidia kupunguza kasi ya kunywa pombe. Inashauriwa kuepuka vyakula vyenye kiwango kikubwa cha mafuta kama vile nyama zenye mafuta mengi, vyakula vya kukaanga, na vyakula vyenye sukari nyingi, kwani hufanya mwili kuchukua muda mrefu zaidi kuyeyusha na kuchakata vyakula hivyo na hivyo kuongeza hatari ya kunywa pombe nyingi haraka. Ni muhimu kukumbuka kwamba kula chakula hakuna dhamana kwamba hutapata ulevi wa pombe, hivyo ni muhimu kuzingatia kipimo salama cha pombe na kutokunywa pombe na kuendesha gari.

Vifuatavyo ni aina ya vyakula ambavyo unaweza kula kabla ya kunywa kileo/pombe

Mayai: Mayai yana virutubisho na yana angalau gramu 6 za protini kwa kila yai.

Kutumia vyakula vyenye protini kama mayai kabla ya kunywa pombe kunaweza kusaidia kupunguza muda wa chakula kuisha tumboni na kuchelewesha pombe kunfyonzwa tumboni,

Pamoja na protini, mayai yana lishe bora zaidi ambayo itakufanya kujihisi kushiba kwa muda mrefu na kupunguza njaa inayosababishwa na pombe baada ya kuamka asubuhi.

Shayiri: Shayiri ni chanzo kikubwa cha nyuzinyuzi chakula na protini, vyote hivi hukufanya kujihisi umeshiba na kupunguza athari za pombe.

Nusu kikombe cha shayiri ambayo haijapikwa hutoa karibu 5g ya protini na 4g ya nyuzi, pamoja na viwango vya wastani vya mahnesium, selenium na chuma.

Mbali na lishe yake, uchunguzi mmoja wa zamani ulibaini kwamba shayiri zinaweza kuboresha afya ya ini na kuboresha utendaji kazi wake. Tafiti kwa wanyama zinaonyesha shayiri husaidia kukinga ini dhidi ya madhara yatokanayo na pombe.

Ndizi: Ndizi kubwa zinaangalau 4g za protini, kula ndizi kabla ya kunywa pombe kunasaidia kuchelesha pombe kufyonzwa katika tumbo.

Ndizi zina potasiamu nyingi, na pia zinajumuisha karibu 75% ya maji. Kunywa pombe hukufanya kukojoa sana, na kusababisha upungufu wa maji mwilini na kupoteza chumvi. Maji pamoja na potasiamu kunasaidia kusawazisha kiwango cha chumvi na maji mwilini baada ya kunywa pombe

Ndizi za njano (mbivu) pia zina nyuzinyuzi, ambazo hupunguza unyonyaji wa pombe ili usilewe haraka sana. Na kwa wanywaji wenye vidonda vya tumbo, ndizi husaidia kupambana na aside ya tumbo kukukinga na kiungulia na usumbufu mwingine wa tumbo.

Mtindi wa Kigiriki ulio na protini nyingi: Mtindi ni chakula kingine maarufu cha kusaidia usagaji chakula. Yoghurts nyingi zina bakteria rafiki mwilini ambao huitwa probiotics , ambayo inaweza kusaidia kuzuia kuhara na matatizo mengine yanayohusiana na magonjwa ya tumbo.

Mtindi wa Kigiriki pia una protini nyingi, pamoja na mafuta na wanga. Itakufanya ushibe kwa muda mrefu kwa sababu protini huyeyushwa polepole, ambayo pia hupunguza kasi ya ufyonzwaji wa pombe mwilini mwako.

Tikiti maji: Tikiti maji ni vyema kutumiwa kabla ya kunywa kwa sababu lina maji mengi, ambayo husaidia kuupa mwili unyevu. Kula tikitimaji na vyakula vingine vya kuongeza maji kunaweza kusaidia kuzuia upungufu wa maji mwilini unaohusishwa na unywaji pombe.

Salmon: Samoni ni samaki mkubwa mwenye mnofu mwekundu. Samoni ana vitamini B12 kwa wingi, kirutubisho muhimu ambacho mara nyingi hupungua kwa unywaji wa pombe. Pia ana protini nyingi na mafuta yenye afya, ambayo yanaweza kupunguza ufyonzwaji wa pombe mwilini. Ili kupata mlo bora wa kabla ya kunywa, choma samaki aina ya samoni (kibua) na uiambatanishe na parachichi na nafaka nzima uzipendazo.

Maji: Pombe ni diuretic (inakufanya ukojoe mara kwa mara).  Kwa sababu hii, kunywa bilauli chache za maji ni mojawapo ya mambo muhimu zaidi unayoweza kufanya kabla ya kunywa. Mbali na maji ya kunywa, unaweza pia kula vyakula vyenye maji mengi kama tango, jordgubbar na lettuce.

Kuku: Kuku wana wingi wa protini, kunaweza kusaidia kupunguza kasi ya pombe kufyonzwa mwilini. "Protini, pamoja na mafuta na nyuzinyuzi, huchukua muda mrefu kusagwa hivyo inaweza kusaidia kupunguza kasi ya jinsi kiwango cha pombe katika damu huongezeka”.

Parachichi: Parachichi lina potasiamu, chumvi muhimu ambayo mara nyingi hupungua kwa unywaji wa pombe kupita kiasi. Kwa kiasi fulani katika lishe, parachichi pia lina mafuta mengi yenye afya, ambayo huyeyushwa polepole ili kushiba na inaweza kupunguza unyonyaji wa pombe kwenye damu yako. Moja ya mambo bora kuhusu parachichi ni kwamba unaweza kuiongeza kwa urahisi karibu na mlo wowote.